По години исполнети со недоразбирања и тешки моменти, пејачката Ана Николиќ конечно проговори за љубовниот крај со Горан Ратковиќ – Рале. На социјалните мрежи објави порака во која откри дел од болката што ја носела во врската и јавно стави точка на она што, како што наведува, предолго ја повредувало.
Во пораката што ја објави на Инстаграм стои дека долго време останала лојална на човек кој, според неа, ја измамувал, навредувал и постојано ги поместувал границите на почитта.
„Еден ден едноставно немаше кај да се врати“, напиша Николиќ, ставајќи акцент дека одлучила да не дозволи повеќе да биде повредувана.
Ана претходно сподели дел од преписките што ги пронашла во телефонот на партнерот. Тие покажувале комуникација со друга жена, што, според пејачката, довело до сериозен судир меѓу двајцата уште во летниот период.
Овие пораки подоцна повторно испливале, што дополнително ја поттикнало пејачката јавно да проговори за ситуацијата.
Николиќ се присети и на непријатност што ја доживеала за време на престојот во Дубаи. Како што раскажа во подкаст, дошло до недоразбирање со хотелскиот персонал, а Рале, кој требало да ѝ помогне, во тие моменти не бил достапен.
Ситуацијата се префрлила и на аеродромот, каде што, според нејзините зборови, тој ја навредил пред вработените. По расправијата, таа заминала без неговите куфери, оставајќи го самиот да ги подмири сите трошоци.
Иако пријавила дека не се чувствува добро, лекарската екипа утврдила дека е во стабилна состојба
„Одвоено се вративме дома“, додаде Николиќ, наведувајќи дека тоа бил последниот пресврт што ја натерал да ја заврши оваа врска.
