Каролина Гочева сподели ретка фотографија на својот инстаграм-профил, од семејна прослава во нејзината родна Битола.
– Уште многу години да те славиме наша тетка Ленче – напиша пејачката на инстаграм-приказната од 80. роденден на тетката за која се гледа дека е убава и негувана дама.
Каролина и нејзината сестра многу наликуваат на нивната мајка Светлана која е исто така убава и негувана жена, а во една прилика, кога ѝ беше роденден, поп-ѕвездата за неа напиша:
– Среќен роденден на најважната жена во нашиот живот! Те сакаме најмногу мамо! Секогаш да си ни насмеана како на фотографијава – напиша пејачката.
Каролина лани објави фотографии од јубилејниот, 70. роденден на мајка ѝ и нивната прослава во Битола.
Каролина секоја година традиционално оди на одмор со женските членови на семејството, сестра ѝ Александра и двете внуки Луција и Инес и споделува фотографии од нивните авантури.
