Пејачката Катарина Живковиќ во едно своето гостување проговори за долгата и тешка борба за да стане мајка. Таа откри дека честите прашања од околината за мајчинството длабоко ја повредувале, особено во периодот кога најмногу се мачела со тоа.
Токму пред да започне со постапката за вештачко оплодување, дознала дека – сосема неочекувано – забременила природно.
„Сè се товари на жената. Секогаш жената е ‘виновна’, секогаш во неа е проблемот, неа ја прашуваат зошто може или не може. А всушност, нема виновни. Тоа е чиста глупост. Но жената е таа што најмногу трпи и носи најголема жртва,“ раскажа Каќа во емисијата „На терапија со Славица Ѓукиќ Дејановиќ“.
Таа додаде дека добивала прашања и од најблиските, иако не со лоша намера. „Но би сакала да им порачам на сите добронамерни – немојте да бидете толку ‘добронамерни’. Оставете ја жената на мир. Јас на настапи и јавни појавувања секогаш бев нашминкана, насмеана, весела… А никој не можеше да претпостави колку сум тажна и колку сè ми изгуби смисла.“
Објасни дека не сакала да стане мајка само заради себе или за нејзината мајка да стане баба. „Сакав она што го носам во себе да го споделам со мое дете. Прашањата ‘зошто не’, ‘што чекаш’ се многу некултурни и навредливи.“
Планирала во јануари да започне процедура за вантелесно оплодување, но во ноември забременила природно. „Бев изгубена, тажна, без надеж… И тогаш – шок, неверување, огромна среќа и страв кога дознав дека сум бремена. Дури ја прашував и докторката дали е сигурна.“
Кога ѝ соопштила на својата мајка, таа од шок ја спуштила слушалката. „Потоа само плачеше. Никогаш не била посреќна, затоа што знаеше колку страдам.“
Денес Катарина е горда мајка на малиот Стефан, и им посакува на сите што се борат за потомство да ја остварат својата најголема желба.
