Александра Пријовиќ направи пауза од една година, а потоа спектакуларно се врати на сцената. Пејачката сепак одлучи и оваа година повеќе да се посвети на семејниот живот, но нема да го запостави ниту работниот дел.
Пријовиќ покрај концертите, во првата половина од годината ќе биде многу активна и ќе се посвети на снимањето на спотовите за својот нов албум. Таа работеше на него речиси цело време од бременоста, а засега се подготвени дури 12 песни, со кои е презадоволна.
Според сега актуелните планови, албумот од кој сите очекуваат многу ќе излезе ова лето.
Дека Александра не брза со продолжувањето на турнејата и дека семејството, особено ќерката Арија и синот Александар, ѝ се приоритет, потврди и самата пејачка:
– Јас секогаш верував и се трудевав да бидам што подобра, да напредувам и да учам. Секогаш следниот чекор е потежок и поголема е одговорноста по сè. Во 2026 година решив да настапувам помалку, ќе има некој концерт каде што не бев за време на турнејата. Тоа нема да бидат концерти во рамки на турнејата, нема да изгледа така. Тоа ќе бидат забави и настапи како што работев пред турнејата. Албумот ќе излезе некаде во мај или јуни, ќе видиме кога ќе биде готов – откри Пријовиќ.
Два дена подоцна, пред дочекот во Белград, Прија истакна дека и оваа година сака да поминува што повеќе време со семејството:
– Таков ни е планот засега – нема да настапувам многу оваа година. Ќе има некој концерт и настап, но ништо многу. Сакам да бидам со семејството колку што можам. Подготвувам албум, речиси е готов, но сега следува снимање на спотовите и тоа е тоа што најмногу трае. Напорно е, снимањето понекогаш трае и по 20 часа. На крајот е важен резултатот, а јас секогаш давам максимум. Луѓето околу мене ми даваат ветар во грб, тие ме поттикнуваат напред – порача пејачката за „Курир“.
