Водителката Јована Јеремиќ проговори за новиот партнер, боксерот Милош Стојановиќ Тигар, и откри дека сака да му роди дете.
Таа откри како изгледале празниците во нејзиното детство, колку ѝ значи верата денес и какви планови има за иднината, како на приватен, така и на професионален план.
Иако за повеќето луѓе празниците се време за одмор, Јована открива дека таа тогаш најмногу сака да работи.
– Не знам како да се одморам за празници, обожавам да работам. И сега е така. Кога бев мала, со мама и тато го славевме Бадник и Божиќ, со сите обичаи, погача… – се присети Јована, додавајќи дека тие спомени и денес ѝ се многу драги.
Јована истакна дека е голем верник и дека ги почитува сите поголеми пости, како Велигденскиот така и Божиќниот.
– Веднаш по завршување на утринската програма одам на причест, а потоа денот го минувам со ќерка ми Леа, со семејството и партнерот. Сите заедно го кршиме лепчето, а мене секогаш ми се паѓа паричката затоа што сум талисман за пари – вели Јована.
За љубовта, Јеремиќ потврди дека е среќна со боксерот Милош Стојановиќ Тигар, но нагласи дека поради партнерот никогаш не би ја напуштила Србија или својата кариера.
– За никого не би заминала од Србија, ниту од телевизијата Пинк, каде ја водам најгледаната утринска емисија. Јас сум родена ѕвезда! Ѕвезда се раѓа, тоа е дар од Бога. Затоа повеќе никогаш нема да му давам внимание на маж додека не дојде до брак и деца – порача Јована.
На крајот, таа истакна дека денес е емотивно исполнета.
– Сега имам партнер покрај кого се чувствувам како вистинска жена и многу сум среќна – заклучи водителката за „Информер“.
