Адел ги заинтригира фановите објавувајќи дека „толку многу доаѓа“ во 2022 година, вклучително и музичко видео за Oh My God.
Музичарката (33) го издаде својот долгоочекуван четврти студиски албум „30“ во ноември 2021 година, кој се најде на врвот на топ листите во Велика Британија.
Албумот ги вклучуваше сингловите Easy On Me и Oh My God.
Во објава на Твитер, Адел напиша: „Одморена и повторно подготвена! Се чувствувам подготвена за 2022 година, доаѓа толку многу, возбудена сум што ќе го видите сите тоа“.
Во снимката од 15 секунди се гледа како Адел стои во темна соба, со прстенесто светло зад неа.
На екранот се појавуваат и зборовите „Oh My God, 12 јануари, 17 часот, Велика Британија“.
View this post on Instagram
Oh My God стигна до првите пет најдобри во Велика Британија и САД и првите 10 во Канада, Австралија и Јужна Африка.
Адел ја изведуваше својата нова музика на телевизиски емисии од двете страни на Атлантикот.
На прашањето на актерката Ема Томпсон дали некој некогаш ја инспирирал кога била помлада, пејачката одговорила со името на нејзиниот професор по англиски јазик, г-ѓа Мекдоналд, бидејќи била „кул“ и толку симпатична и директна. Изненадувањето се случило кога пред Адел се појавила наставничка, која ѝ се придружи на сцената и ѝ рекла: „Толку сум горда на тебе“.
