Иако ова е период кога се наближуваат празниците, а празничното лудило зема големи размери, тоа различно влијае на различни поединци.
Кога да знаете дека ве „фатила“ претпразнична депресија? Ова се знаците:
-Наутро тешко станувате од кревет и ви е мачно од самата помисла дека мора да излезете од дома.
-Наместо да се радувате на убавината на украсениот град, ве вади од такт раздвиженоста и „шопинг треската“.
-Превртувате со очите на секој празничен филм, бидејќи ве нервира онаа слатка и нереална слика на животот која овие филмови најчето ја прикажуваат.
-Не се чувствувате најдобро бидејќи немате доволен буџет за да можете да ги купите сите шарени подароци.
-Ги одбивате поголемиот број покани за дружење, бидејќи единственото нешто што сакате да го правите за празниците е да лежите во кревет.
