Супермоделот Тајра Бенкс вчера наполни 48 години. Манекенката која беше една од најуспешните модели на светот вели дека сега ужива во пензионерските денови.
Тајра како што вели сега е пензионерка, но сè уште е дел од јавниот живот. Пред две години позираше за „Sports Illustrated“, на чија страна била пред две и пол децении.
View this post on Instagram
Својата кариера ја започнала на само 15 години и беше првата жена со афро-американско потекло што се појави на насловните страници на списанијата „GQ“ и „Sports Illustrated“. Беше дел од ангелите на „Victoria’s Secret“ од 1997 до 2005 година. А на почетокот на овој век таа беше прогласена за една од најплатените луѓе во светот на манекенството.
View this post on Instagram
Сето она што Тајра Бенкс го доживеала во светот на модата го пренесе во книгата „Modelland“ во 2011 година, која беше и една од најпродаваните, според „New York Times“. Но, и тоа не е се – таа е една од само седумте жени кои неколку пати се најдоа на годишната листа на највлијателни луѓе на планетата на магазинот „Time“. Ја гледавме и во улога на водителка и продуцентка на реалното шоу „America’s Next Top Model“.
Кога станува збор за нејзиниот изглед, честопати се пишувало дека се заслужни бројни пластични операции, а таа тврди дека го оперирала само носот. Во една прилика откри и дека со години носи перики. А сега гордо ги носи „вишокот“ килограми, а не крие дека како мала ја нарекувале „грдо пајче“.
View this post on Instagram
Да потсетиме, пред неколку години Тајра на својот инстаграм-профил објави фотографија од бебешка капа со која покажа дека нејзиниот сон конечно се остварил, после 20 години супермоделот стана мајка.
„Подарокот за кој толку многу се молев конечно е тука. Ги има моите прсти и големите очи, а устата и брадата на тато Ерик. Фала му на Бога за прекрасната жена, ангелот, кој ни помогна да се реализираме како родители, а ние ќе продолжиме да се молиме за сите вас кои поминувате низ слично искуство. Јорк Бенкс Азија, добре ни дојде сине“, тогаш напиша Тајра Бенкс.
View this post on Instagram
Американската водителка и поранешна манекенка во неколку наврати отворено зборуваше во интервјуа за нејзината борба да се реализира како мајка, но и за решителноста која ја чувствувала, заколнувајќи се дека никогаш нема да се откаже.
View this post on Instagram
„Кога наполнив 40 години, не бев среќна за еден факт, што не станав мајка. Си мислев дека часовникот отчукува“, вели таа.
Тајра отсекогаш сакала да стане мајка, кога наполнила 24 години почнала да си прави планови во кои важен дел било мајчинството. Сепак, плановите не се оствариле. Била многу зафатена и го чекала таканареченото „совршено време“ за да стане родител.
