Се наближува Ноќта на вештерките, а ѕвездите веќе побрзаа да ги покажат своите костими. Некои имаат и повеќе костими па неделава се „натпреваруваа“ која ќе биде пооригинална.
За Кајли Џенер ова е вториот костим за годинава.
Прво со својата пријателка Анастасија Караниколау го повтори настапот на Мадона и на Бритни Спирс од 2003 година, а потоа во истото друштво одлучи да се преправи во „Плејбој“ зајачица.
Кајли во септември годинава позираше за најпопуларното еротско списание, па оваа забава ја одржа во чест на тоа.
Нејзините пријатели беа залудени од нејзиниот костим, но сепак сите едвај чекаат да видат што подготвила за утрешната „официјална“ забава по повод Ноќта на вештерките.
