Познатата водителка Миа Костова која неодамна лично ја информираше јавноста преку социјалните мрежи дека е позитивна на КОВИД-19, денес конечно излезе од 20-дневната изолација.
Миа успеа да ги „фати“ зраците на есенското сонце, за кое одбрала исклучителна модна комбинација.
„По 20 дена дневна соба, чувството на допир со сонце и улици е како боите на сликава. Само едно огромно благодарам до сите што бевте тука и сите соработници кои во оваа кратка пауза се грижеа само да сум добра. Помина. Ве сакам“, напиша Миа.
По објавата дека имала контакт со позитивно лице и дека се заразила, Миа Костова беше критикувана од многумина заради непочитување на мерките како носење маска и држење социјална дистанца.
Миа, како и секогаш, немаше проблем да зборува и за ова искуство, демантирајќи ги гласините кои кружеа по социјалните мрежи за нејзиното несовесно однесување.
Костова и овојпат беше достапна за дијалог. Во изминатиот период беше посветена и активна на социјалните мрежи, споделувајќи за својата здравствена состојба, симптомите, терапијата, како и за менталното здравје за време на изолацијата и борбата со вирусот.
Нејзините обожаватели имаа што да ја прашаат, а Миа неуморно одговараше на секое прашање со цел да помогне на луѓето кои се во слична ситуација или имаат некој близок што се бори со истите проблеми.
