Британската поп ѕвезда Дуа Липа, со потекло од Косово, доби дури шест номинации за претстојното доделување на Греми наградите. Нејзината реакција на социјалните мрежи стана вистински хит – таа се расплака кога дозна дека се наоѓа и во трка за албум на годината.
Имено, Тејлор Свифт и Дуа Липа се натпреваруваат за најважната награда – албум на годината – заедно со Пост Мелоун, Колдплеј, групата ХАИМ, Џејкоб Кулиер, Блек Пума и Џене Аико.
Липа својата реакција ја објави на Инстаграм. Нејзините соработници ја снимале додека таа разговарала со својот менаџер кој ја известил дека е номинирана во дури шест категории.
„Ова не е реално, имам шест номинации за Греми, овој живот не е реален“, напиша Липа на Инстаграм.
„Моето срце чука неверојатно силно и во огромен шок сум. Не можам да престанам да плачам. Ви благодарам на сите за љубовта и поддршката“, додаде таа.
ВИДЕО: Зошто се расплака Дуа Липа?
