Стинг го продава својот музички каталог, вклучително и хитовите со „The Police“ и како соло изведувач, придружувајќи се на групата ѕвезди кои заработуваат од инвеститори кои гледаат вредност во лиценцирањето на нивните песни, пренесува „Associated Press“.
Музичко-издавачката компанија „Universal“-Јуниверсал во четвртокот соопшти дека го купила каталогот, вклучувајќи ги „Every Breath You Take“, „Roxanne“ и „Fields of Gold“. Подробности од договорот не се објавени, но според „New York Times“, тој вреди 250 милиони долари.
ЗОШТО ТОЛКУ ВРЕДАТ: Брус Спрингстин ги продаде правата на својата музика за 500 милиони долари
Во последниве месеци, Боб Дилан, Брус Спрингстин, Пол Сајмон, Стиви Никс, Нил Јанг и други ги продадоа своите песни, каталози на напишани песни или и двете. Купувачите обично добиваат трајно право да ги користат песните или снимките на изведувачот во реклами, филмови, телевизиски емисии и други формати.
Цените ретко се објавуваат, но експертите од музичката индустрија ја проценуваат продажбата на Спрингстин на Sony Music Entertainment во декември на 550 милиони долари, а договорот на Дилан истиот месец со Universal Music Publishing Group е помеѓу 300 и 500 милиони долари.
УШТЕ ЕДНА МИЛИОНСКА МУЗИЧКА ЗДЕЛКА: Боб Дилан го продаде целиот снимен музички каталот на Сони
