Раперот Паф Деди (Шон Комбс) на својата мајка Џенис за 80-от роденден и подари еден милион долари и луксузно црно Бентли...
На својот Инстаграм профил тој ја објави нејзината фотографија и ѝ посвети емотивен статус.
„Постојам поради оваа убава, грижлива, полна со љубов, забавна, таа која секогаш ми ја говори вистината, паметна и апсолутно неверојатна Кралица! Најдобрата мајка на светот! Те сакам засекогаш!“, напиша раперот и додаде дека неговата мајка и покрај тоа што има 80 години изгледа фантастично без филери и уредување.
Тој покажа и колку неговата мајка се воодушевила од автомобилот Бентли.
Страницата „Got That Hip Hop“ на Твитер објави дека покрај луксузниот автомобил Џенис добила и чек од милион долари.
Инаку, на истиот ден, 21 декември, се родени и ќерките на Паф Деди, близначките Џеси и Д`Лил.
