Попознат како „JZJ“, под името кое го носи и неговиот моден бренд, Златко Јовановски важи за еден од најхрабрите модни дизајнери на македонската сцена.
Како перфекционист во својата работа и дизајнер за кој не постојат граници во креирањето ги преплави светските магазини во изминатата 2020 година, а негови креации носеа светски познати имиња.
View this post on Instagram
Креациите на Златко го привлекоа вниманието и на српската поп – фолк пејачка Светлана Ражнатовиќ – Цеца со која Златко неодамна оствари соработка. Фолк – дивата на еден од нејзините настапи блескаше во креакција на нашиот дизајнер.
View this post on Instagram
„Соработката со Цеца дојде поодамна, кога нејзината стилистка ме контактираше и побара да дизајнирам нешто специјално за неа. Јас ја прашав во кој правец да оди дизајнот, а стилистката ми кажаа дека Цеца ги видела моите креации, дека ѝ се допаѓа сè што правам, па затоа ќе остави на мојата имагинација. Со 70% готова креација бев на проба во Белград. Таму ги дефиниравме украсите и деталите. На пробата владееше многу пријатна атмосфера и одлична соработка. Морам да додадам дека Цеца иако е едно огромно име на Балканот, е многу кул и бескрајно професионална. По тоа, креацијата ја финиширавме тука во моето ателје, и ѝ ја пративме за Белград.“, вели Златко.
View this post on Instagram
Крунисан за неговата работа, Јовановски со своите креации им дава храброст на дамите да го носат на себе тоа што отсекогаш го посакувале за еден за нив посебен ден.
