Последниве денови на социјалните мрежи кружи видео во кое Лорен Санчез, девојката на Џеф Безос, „жеднее“ по актерот Леонардо Дикаприо.
Видеото е снимено на 10-тата гала на „LACMA Art + Film“, каде што Лорен и Безос го запознаваат актерот и Лорен е очигледна обожавателка. Однесувањето на Лорен, кое алудира на очигледна привлечност кон актерот предизвика лавина од коментари по социјалните мрежи во кои се доведува самата врска помеѓу неа и Безос во прашање. Интернет троловите го почестија милијардерот со многу шеги и досетки кои очигледно ја загрозиле неговата машкост.
Па, по ваквата жестока и подбивачка интернет реакција, Безос на шeга (или не), објави на „Твитер“ фотографија во која вели:
„Лео, дојди тука, сакам да ти покажам нешто…“ и на истата стои со голи и „репетирани“ раце потпрен на натпис на кој се чита: „ОПАСНОСТ! Стрмна карпа, фатален пад“.
Leo, come over here, I want to show you something… @LeoDiCaprio https://t.co/Gt2v9JZTNz pic.twitter.com/KqGLB839NI
— Jeff Bezos (@JeffBezos) November 8, 2021
Се разбира дека оваа фотографија само истури бензин врз веќе агресивниот оган и троловите продолжија да ги полнат коментарите со шеги на сметка на Безос.
„Ни со целото богатство на светот не можеш да купиш женско срце“, „Говорот на телото никогаш не лаже“, „Лео ја украде твојата девојка“, се само дел од коментарите на „Твитер“.
