Долго очекуваниот дует на двете балкански ѕвезди Аца Лукас и Драгана Мирковиќ се случи неодамна. И се случи хит. За само пет дена откако е лансирана на Јутјуб песната „Сега и засекогаш“ (Сад и заувек) до сега ја слушнале дури 2.298.772 луѓе.
– Во ова тешко време мојата драга колешка Драгана и јас се потрудивме, со помош на нашиот цел тим, да ви подариме преубава песна која носи позитивна енергија и шири љубов. Ви посакуваме многу здравје и среќа во 2022. Ние сме ваши и сега и засекогаш – забележа Лукас.
Општо е познато дека Аца Лукас не сака да соработува со било кого, и дека избегнува да снима дуети.
И самиот своевремено рече „скептичен сум кога дуетите се во прашање“.
Но овојпат изјави дека песната од дуетот со Драгана Мирковиќ е ремек дело.
И Драгана не го крие своето задоволство особено од брзата организација, односно како што вели, снимиле се речиси во 24 часа.
View this post on Instagram
Ако до сега не сте ја слушнале „Сад и заувек“, еве го видеото.
