Познатат пејачка Натали Имбруглиа, која стекна светска слава благодарејќи на хитот „Торн“, на својот инстаграм-профил објави дека добила син.
„Добре дојде Макс Валентин Имбруглиа“ напиша Натали под сликата на која го држи синчето за прстот.
Натали во јули оваа година објави дека е бремена, при што додаде дека до бременоста дошло преку вештачко оплодување. Таа има 44 години и ова ѝ е прво дете.
„Не сум голтнала лубеница. Го чекам своето прво дете кое треба да пристигне оваа есен. Сите што ме познавате, знаете дека тоа ми беше огромна желба и среќна сум што добив можност да забременам благодарение на вештачкото оплодување и донаторот на сперма. Повеќе ништо нема да кажам во јавноста на оваа тема“ изјавила пејачката на својот тогашен пост.
