Софија и Јаков Спасови постојано покажуваат дека нивните миленици се рамноправен дел од семејството. Брачниот пар, заедно со двете ќерки, му го прослави роденденот на кучето Кара, а убавите моменти ги споделија со своите следбеници на социјалните мрежи.
На Инстаграм објавија видео од прославата, придружено со кратка, но емотивна порака:
„Среќен роденден, Кара наша. Те сакаме бесконечно.“
View this post on Instagram
Ова не е првпат семејството јавно да ја изрази љубовта кон своите миленици. Минатата година, по повод роденденот на Кара, Софија објави фотографија и искрена порака во која го опиша нивното секојдневие исполнето со деца, куче, мачка и многу емоции.
„Ние сме хаос – шарен, гласен, понекогаш леплив хаос. Ама наш е. И не би го менувала ни за мир, ни за тишина… И покрај малку сон, премногу обврски и повремени дебати околу тоа кој последен фрлил ѓубре – некако успеваме. Со љубов што не се мери во совршени моменти, туку во гушнати хаоси како овој“, напиша тогаш Софија.
View this post on Instagram
Освен Кара, семејството има и мачка по име Ехо, на која минатата година ѝ приредија роденденско изненадување и ѝ посветија објава со зборовите:
„Среќен роденден, Ехо. Ти не си мачка, ти си чиста љубов, бизала наша…“
View this post on Instagram
