Младиот пејач Огнен Здравковски уште пред неколку недели објави дека е позитивен на коронавирусот. Во неговата најнова објава на Фејсбук, тој откри дека и неговата мајка, пејачката Софче Џорлева исто така била позитивна на коронавирусот, но боледувањето го поминала многу потешко од него.
По тешкото две неделно лекување на Инфективната клиника во Скопје, при што била и на кислородна поддршка, таа победила во оваа битка.
Огнен Здравковски во својот статус на Фејсбук, во кој прикачи фотографија од неговата мајка, упати апел до сите кои се уште не веруваат дека коронавирусот постои, раскажа за нејзината состојба сега и им се заблагодари на лекарите за помошта…
„Сите што ја познавате мајка ми Софче Џорлева, знаете каква жена е. Секогаш позитивна, насмеана и секогаш со смисла за хумор, па така и успеа да ја победи битката со „COVID 19“ (Коронавирус) иако беше премногу критична и ништо не се знаеше!!! 2 недели лежеше на „Инфективната Болница“ во Скопје, со кислородна поддршка, со гушење и со многу намален капацитет на дишење… Конечно после 12 дена со два негативни теста си дојде дома и ја победи битката со овој НАЈГАДЕН ВИРУС!!! БОГ е голем, фала му и слава му!!! Голема благодарност до целиот тим на Инфективно, што 24/7 се грижеше за неа и и помогнаа да ја победи оваа битка!!!“, стои во описот на фотографијата.
