Метју се обидуваше да дојде до здив, додека се потпираше на ѕид. А потоа, веднаш штом влезе во колата, тој посегна по цигара…
Метју Пери (50) изгледа се полошо и полошо и тоа не се само приказни, туку веќе јасно се гледа на фотографиите.
Најновите фотографии за неговата состојба се од пред два дена во Беверли Хилс, пред една деловна зграда. Славниот Чендлер е сликан како едвај стои на нозе и тешко дише.
По него дошла неговата асистентка со цел да му помогне, а тој веднаш штом успеал да влезе во автомобилот запалил цигара.
Меѓутоа, изразот на неговото лице е загрижувачки. Метју Пери изгледа уморно, несреќно, без воопшто енергија.
Да се потсетиме, Метју Пери една цела деценија ја засмејуваше публиката во познатата серија „Пријатели“ која започна да се снима во далечната 1994 година.
Долго време се зборува и дека има проблеми со дрогата и алкохолот. Тој беше и на лекување поради зависноста од апчиња и алкохол, а во едно интервју призна дека воопшто не се сеќава на три години од снимањето на „Пријатели“ поради силните опијати кои ги земал.
Метју некогаш бил зависен од лек кој започнал да го зема поради несреќата на скутер на вода која ја доживеал. Успешно му ги намалувал болките, но со тек на време не можел ниту еден ден да го помине без таблети.
Тој исто така често во јавноста е критикуван и поради неговиот запуштен изглед, а како изгледал точно пред два дена, можете да погледнете во следните фотографии – навистина загрижувачки…
