Хрватската писателка и новинарка Ведрана Рудан (74) објави дека ѝ е дијагностициран рак пред два дена, а сега, во нејзино име, се обрати нејзиниот син Славен Хрватин, кој е администратор на нејзината фејсбук-страница.
„Почитувани читатели на блогот на Ведрана. Ви пишувам во нејзино име. Не очекувавме толкава поддршка од вас. Добивме илјадници мејлови и пораки со добри желби од целиот свет. Ведрана искрено ви се заблагодарува. Таа не е депресивна и не е тажна. Напротив, таа е воодушевена што животот ѝ стана крајно турбулентен и интересен.
Таа е во раце на врвни лекари. Вели дека конечно сфатила каква фаца е и се надева дека нема да стане поголема за една недела. Сите вие што го знаете нејзиниот хумор знаете што значи. Нема да ви преведувам бидејќи мене не ми е смешно.
Поздрав! Администраторот на страницата, Славен Хрватин“, се вели во објавата.
