Првата асоцијација на познатата холивудска актерка за многумина е нејзината легендарна сцена од „Сурови страсти“, филм што го сними во 1992 година и кој всушност ја направи славна, но и благодарение на тој филм се здоби и со статус на секс симбол.
Во своето неодамнешно интервју за Closer Weekly, 62-годишната Шерон Стоун се пошегува на сметка на нејзиниот љубовен живот, опишувајќи го тој дел од нејзиниот живот како „вистинска комедија“.
Инаку, холивудската актерка минатата година беше исфрлена од „Бамбл“, апликација за пронаоѓање партнер, бидејќи никој не верувал дека токму таа, вистинската Шерон Стоун ја користи апликацијата.
Шерон која е мајка на три момчиња признава дека со текот на годините станала послободна да им приоѓа на мажите.
„Мислам дека секогаш треба да изберете како сакате да стареете. Убедена сум дека мојата судбина е запишана и сега се обидувам да ја сфатам со што поголем интегритет, обидувајќи се да бидам што е можно поотворена “, рече Шерон Стоун и потоа во разговорот се надоврза за титулата на секс симбол која ја носи долги години.
„Тешко е да се прифати. Мерилин Монро сними навистина важни филмови, како „Автобуска станица“, но сите сепак очекуваа дека ќе биде таква цело време … Верувале или не, никогаш не помислив дека сум секси “, вели Стоун.
Уште во февруари, Шерон Стоун објави дека е повторно слободна.
