Емина и Садетин се во контакт, но повеќе не се состануваат на јавни места.
Пејачката Емина Јаховиќ наводно се смирила со нејзиниот поранешен партнер, богатиот турски бизнисмен, Садетин Саран.
Имено, милијардерот ѝ се јавил на пејачката кога слушнал дека таа има семејни проблеми, па повторно се зближиле по состанокот во ресторан во предградието на Истанбул, од кој заминале штом ресторанот почнал да се полни, за да не успее никој да ги фотографира.
– Емина и Садетин прво се слушнале по телефон, па закажале состанок. Се видоа во ресторан во Истанбул, кој често го посетуваа додека се забавуваа, а Емина му раскажа низ какви проблеми минува поради негрижата на Мустафа кон децата. Му се пожалила дека тој долго време не плаќал алиментација за синовите Јаман и Јавуз, а тие честопати прашуваат зошто тато не доаѓа, па Емина им објаснува дека има премногу обврски иако се расправале кога последен пат се виделе. Таа разговараше со Садетин два часа, вечераа, а како што почна да се полни ресторанот, тој ја плати сметката и заминаа со неговиот автомобил – изјавил за српски Телеграф извор близок до пејачката.
Емина и Садетин оттогаш се во контакт, но повеќе не се среќаваат на јавни места, за турските таблоиди кои постојано ја следат, да не почнат да пишуваат за нивното смирување.
– Садетин беше виден минатата недела во близина на областа каде што живее Емина, но остана околу десет минути, бидејќи го забележаа соседите. Брзо излезе за да не добие дојава и да дојде некој новинар. Сега добро се кријат и се слушаат претежно по телефон. Таа никаде не зборува за оваа тема, бидејќи сега гостување во медиумите го користи за да зборува за Мустафа и дека нему баш му е гајле за синовите – додава изворот.
– Финансиската состојба на Мустафа не е лоша, па поради тоа да има проблем да испрати пари на децата. Ако еден ден неговата финансиска состојба стане лоша, јас ќе работам и за него, таква сум. Мора да има правда кога се работи за мајчинството и татковството, како и за останатите работи во животот. Не сакам Мустафа да ги занемари децата и затоа се борам тие да добијат алиментација. Ова е мојот начин на борба, во исто време за сите жени кои некогаш се нашле или се во слична ситуација како мене – изјави неодамна Емина.
Турскиот музичар Мустафа Сандал неодамна за турските медиуми изјави дека не е точно дека не се грижи за своите синови, но избегна да зборува за поранешната сопруга.
– Што и да кажам, на крајот на краиштата, може погрешно да разберете. Сепак, она што сакам да го истакнам е фактот дека Емина е мајка на моите деца и јас многу ја почитувам. Што се однесува до синовите, јас сум секогаш тука за нив. Ги носам на училиште за сурфање, играм разни игри со нив и поминуваме квалитетно време заедно. Сè е како што треба, не знам зошто не би било. Емина е моја поранешна сопруга и не сакам да зборувам лошо за неа во ниту едно интервју – рече музичарот.
