Мегапопуларната музичка ѕвезда Ријана ја прекина својата врска со саудискиот милијардер Хасан Џамил, откако парот помина три години заедно, а не е позната ниту причината за нивното раскинување, пренесуваат светските медиуми.
Ријана и Хасан првпат беа видени заедно во јавноста во 2017 година во Шпанија.
И двајцата беа согласни во тоа дека сакаат приватност, па поради тоа правеа се што можеа за да ја сокријат врската од очите на јавноста, па така на големите настани не се појавуваа заедно како пар.
Пејачката неодамна во разговор за „Interview Magazine“ изјави дека го сака Џамил и дека едвај чека да види како ќе се снајде во улога на мајка.
Светските медиуми го проценуваат богатството на пејачката на 600 милиони долари, а она на Хасан на вртоглави 2,2 билиони долари.
