Војвотката од Сасекс на официјалниот профил на Инстаграм објави колаж од фотографии по повод роденденот на принцот Хари.
Една од фотографиите во колажот е и од Арчи, која досега не била објавена во јавноста.
„Твоите залагања и посветеност секојдневно ме инспирираат. Ти си најдобриот сопруг и прекрасен татко на нашиот син. Те сакаме. Среќен роденден“, стои во описот на фотографијата.
На колажот може да се видат фотки и од детството и младоста на принцот, но најмногу внимание привлече сликата каде Арчи е фотографиран со своите родители на својата крштевка.
Неодамна и Хари го честиташе роденденот на Меган на истиот официјален профил на војводството од Сасекс.
