Американскиот комичар Крис Рок во неделата објави дека е позитивен на ковид-19 и ја искористи можноста да апелира на вакцинација против коронавирусот, пишува „Си-Ен-Ен“.
На својот твитер-профил, Рок напиша: „Еј луѓе, само што дознав дека имам ковид и верувајте ми – не го сакате ова. Вакцинирајте се“.
Актерот претходно објави дека е вакциниран со вакцината „Џонсон&Џонсон“, која се дава во единечна доза.
Hey guys I just found out I have COVID, trust me you don’t want this. Get vaccinated.
— Chris Rock (@chrisrock) September 19, 2021
Поранешниот член на „Saturday Night Live“ не ја коментираше неговата состојба, а неговит тим не дадоа дополнителен коментар.
Во мај, Рок, беше гостин во епизодата на Џими Фалон „The Tonight Show“, рече дека бил вакциниран со вакцината „Џонсон&Џонсон“, а потоа на шега рече дека го искористил статусот на ѕвезда и „бил преку ред“ за да ја прими што е можно поскоро.
„Го искористив мојот статус на славна личност, Џими“, рече тогаш Рок. „Не ми беше грижа за другите. Реков: „Еј, Бети Вајт и останатите постари луѓе, тргнете се за да можам да се вакцинирам“.
Познато е дека луѓето кои се целосно вакцинирани, исто така, можат да се заразат со ковид-19, но имунизацијата во голема мера го намалува ризикот од хоспитализација или смрт, велат здравствените експерти.
Поточно, луѓето кои не биле вакцинирани против ковид-19 имаат 11 пати поголема веројатност да умрат од оваа болест и 10 пати повеќе да бидат хоспитализирани за посериозни последици, според студијата објавена претходно овој месец од американскиот Центар за контрола на болести и превенција.
„Ти посакувам брзо и целосно закрепнување и симптомите да бидат што е можно поблаги. Побрзај, ни требаш“, напиша Лари Чарлс на својот твитер-профил, продуцент и сценарист на серијата „Seinfield“.
