Кораима Торес, актерката позната по животната улога на „Касандра“ во истоимената серија, одбележа еден период и ги освои срцата на гледачите кога ја глумеше познатата улога.
Латиноамериканската актерка неодамна изјави дека би сакала да снима филм со популарниот српски актер Милош Биковиќ, па продуцентите одлучиле да ѝ понудат улога која не се одбива.
– Продуцентите на „Јужен ветар“ сакаат во својата екипа да имаат и светски познати актери. Па така, во првата сезона се појави италијанскиот актер Пасквал Еспозито, а во втората холивудските ѕвезди Вилијам Болдвин и Ерик Робертс. Преговорите со познатиот дански актер Мадс Микелсен за третата сезона се во тек, а на списокот неочекувано се појави уште едно име – Кораима Торес! – вели извор близок до продукцијата на „Јужен ветар“ за српски „Информер“, па додава:
– Откако Касандра изјави дека би сакала да игра со Биковиќ, продуцентите планираат и нејзе да ја вклучат во филмот. Ако сè оди според планот, Касандра треба да глуми водач на криминален клан од Јужна Америка! Секако, ќе има сцени и со Биковиќ, но деталите за сценариото засега не смеам да ги откријам. Потпишувањето на договорот зависи од нејзините обврски.
Инаку, неодамна српските медиуми се распишаа дека Касандра слуша српска музика и гледа српски филмови.
– Сонувам да се вратам во Србија! Бев многу среќна додека бев во Србија, тоа ми е еден од најдрагите спомени во мојот живот. Луѓето беа љубезни, внимателни и полни со поддршка. Ја ценам љубовта која во деведесеттите години ја добив од вас, ја чувам во срцето и до ден-денес – рекла убавата актерка.
На спомнувањето на Милош Биковиќ таа се одушевила: „Секако дека сум слушнала за Биковиќ, би сакала да снимам филм со него!
