Богатата наследничка Тамара Еклстон полни 35 години. Таа е ќерка на британскиот Ф1 магнат Берни Еклстон и поранешната хрватска манекенка Славица Еклстон.
Роденденот ќе го слави цела недела, а сето тоа ќе биде на „висока нога“ и многу луксузно.
Таа стекна голема популарност кога беше водителка на реалното шоу „Тамара Еклстон: Девојка од милијарда долари“, кога на сите им покажа како живеат богаташите.
Во шоуто ја покажа и својата куќа со 70 соби, со позлатени чешми во тоалетите, домашни помошници и работници ангажирани за да ги шетаат нејзините кучиња.
