Најстариот ветеран од Втората светска војна во САД и најстариот човек во земјата, Афроамериканецот Лоренс Н.Брукс, почина на 112-годишна возраст. Неговата смрт ја објави Националниот музеј на Втората светска војна, а ја потврди и неговата ќерка.
Повеќето Афроамериканци кои служеа во одвоените вооружени сили на САД на почетокот на Втората светска војна беа распоредени во неборбени единици и на должности како што се снабдување, одржување и транспорт, рекол полковникот Пит Крејн, потпретседател за образование и пристап во Музејот на Њу Орлеанс.
Lawrence N. Brooks, the oldest World War II veteran in the U.S. — and believed to be the oldest man in the country — died on Wednesday at the age of 112.https://t.co/a0ZPVfDMbc
— The Associated Press (@AP) January 5, 2022
„Причината за тоа беше чист расизам, не постои друг начин да се карактеризира“, рекол Крејн.
Семејството Брукс, по потекло од Норвуд, Луизијана, се преселило во делтата на Мисисипи кога тој бил дете.
Тој бил едно од петнаесетте деца и живеел многу далеку од најблиското училиште, па родителите биле приморани да го образуваат во домапни услови колку што можеле.
View this post on Instagram
Брукс работел во пилана кога бил регрутиран во армијата на САД во 1940. година, а по јапонскиот напад на Перл Харбор, бил распореден во 91-от генерален сервисен инженерски полк стациониран во Австралија, во кој претежно биле Афроамериканци.
Подоцна во војната, загубите на војниците практично ја принудиле војската да започне да распоредува повеќе афро-американски трупи на борбени позиции. За тоа сведочи фактот дека во 1941. година во армијата служеле помалку од 4.000 Афроамериканци, а до 1945 година тој број пораснал на повеќе од 1,2 милиони.
View this post on Instagram
Единицата во која служел Брукс градела мостови, патишта и писти за авиони, а тој бил распореден како чувар, при што неговата работа била и да готви, да вози и да се грижи за облеката на офицерите.
„Брукс не зборувал често јавно за дискриминацијата со која се соочиле тој и другите афро-американски војници во војната или за дискриминацијата со која се соочило неговото семејство на југот“, изјавила во една прилика неговата ќерка.
View this post on Instagram
За време на едно интервју, Брукс рекол дека полицајците за кои се грижел добро се однесувале со него и дека сметал дека бил среќен што не морал да се бори во борба. И покрај тоа што не бил во борба, Брукс доживеал непријателски оган за време на јапонскиот напад на островот Овен, каде што работел.
View this post on Instagram
Брукс рекол дека научил да ги разликува звуците на приближувањето на јапонските, американските и германските авиони.
Од војска бил отпуштен во август 1945. година како офицер од прва класа, по што работел како возач на виљушкар до неговото пензионирање на 60-годишна возраст. Тој бил татко на пет деца, исто толку посиноци и десетици внуци и правнуци, а сопругата Леон ја загубил набрзо по ураганот Катрина.
