Негзиа (29), манекенка од Иран е во бегство од иранската револуционерна гарда која ја бара уште од 2017 година поради фотографии на кои позирала полугола, односно само во долна облека.
Властите во татковината нејзиниот едиторијал го прогласиле за „непристоен и неморален“, а на згодната бринета поради кршење на строгиот исламски закон ѝ се заканува и затворска казна.
Манекенката побегнала во Турција откако фотографот со кој соработувала дел од нејзините фотографии ги предал на иранската полиција. Негзија морала да побегне од татковината бидејќи се плашела дека властите ќе ја камшикуваат и ќе ја затворат.
Во ноември 2018 година во Париз поднела барање за азил и се надева дека ќе остане во Франција и таму ќе гради манекенска кариера.
„Не жалам за ништо. Горда сум што ги прекршив правилата на оние кои ни малку не ги почитуваат жените“, изјавила Негзија.
Но Иранката во француската престолнина се нашла во големи проблеми. И било тешко да дојде до работа во градот во кој никого не познава. Кога останала и без оние малку заштедени пари, останала на улица, а некое време морала да спие на клупа во парковите.
„Морав да продадам торба со фустани за десет евра. Очајнички ми беа потребни пари за да си купам храна“, рекла Негзија за Daily Mail.
