Паниката околу коронавирусот го зафати и британското кралско семејство. Четворица ученици од училиштето кое го посетуваат принцот Џорџ и принцезата Шарлота од неодамна се ставени во изолација, под сомнение дека се заразени.
Токму тие деца неодамна биле на скијање во Северна Италија, а двајца ученици се вратиле со симптоми кои укажуваат на грип.
Децата се испратени дома и се чекаат резултатите од тестирањето, додека во Велика Британија досега се затворени околу 30 училишта поради страв од ширење на коронавирусот.
„Како и сите училишта, така и ние еднакво сериозно ги сфаќаме потенцијалните ризици од ширењето на коронавирусот и ги следиме сите упатства и препораки од надлежните институции за превенција од зараза“, стои во официјалното соопштение на училиштето кое го посетуваат принцот Џорџ и принцезата Шарлота.
„Моментално имаме мал број на ученици кои се тестирани и тие се наоѓаат дома, водејќи се по советите кои ги добивме од Владата. Децата ги чекаат резултатите од тестирањето“, се додава во соопштението.
