Познатата пејачка Драгана Мирковиќ за неколку месеци ќе ја добие својата прва внука. Нејзиниот син Марко Бјелиќ и неговата сопруга Мелани, која е во петтиот месец од бременоста, со радост ја очекуваат приновата.
Веста за полот ја споделија пријателки на Мелани на социјалните мрежи.
Во семејството владее неизмерна радост поради проширувањето.
„Денеска сум сигурно најсреќната жена на светот, бидејќи официјално можам да потврдам дека ќе станам баба. Мелани, избраничката на мојот син Марко, ни донесе неизмерна радост кога ни соопшти дека е во благословена состојба. Ви благодарам на сите за убавите желби и честитки, а ова е сè што ќе кажам по ова прашање. Бидејќи ниту едниот од нив не се занимава со јавна работа, а таа сега е во чувствителен период, пишувањето и зборувањето за тоа ќе ѝ предизвикаат стрес. Затоа ве молам за разбирање и воздржување од дополнителни информации и шпекулации“, изјави Мирковиќ.
Свадбата на Марко и Мелани се одржа во јуни, во строга тајност, далеку од јавноста. Првите фотографии објавени на социјалните мрежи открија бајковита церемонија во градината на семејниот дворец „Ебенфурт“, со декорација во бели и златни тонови и иницијалите на младенците, M&M, како доминантен мотив. Мелани блескаше во раскошна венчаница со долг вел, налик на вистинска принцеза, додека Марко избра елегантно сиво одело со класичен и личен печат.
