Пејачката Милица Павловиќ во голем стил го одбележа својот 34-ти роденден, уживајќи во изненадувања кои ѝ ги приредија најблиските пријателки во Швајцарија.
Прославата започна на бродче, каде што дружината наздрави со шампањ и ја започна забавата среде ден. Пејачката на социјалните мрежи им се заблагодари на сите за честитките, додавајќи со насмевка: „Не замерувајте, малку испив… Како што велат, така треба.“
Вечерта продолжи во ресторан, каде што Павловиќ ги дувна свеќичките на тортата и си замисли желба.
„Го славам животот со сите добри и лоши работи што ги носи… Затоа што го сакам“, напиша таа.
Пејачката, позната по својата енергична природа и сценска харизма, уште еднаш покажа дека знае како да го слави животот – со стил, насмевка и најблиските до себе.
