Синоќа во Лондон во луксузниот хотел „Гросвенор хаус“ традиционално е одржано доделувањето на наградите Гордост на Британија.
Оваа манифестација е секогаш многу гламурозна, а овојпат сè беше уште посвечено, со оглед на тоа што станува збор за јубилеј, односно 20-годишнина. Наградите им се доделуваат на обични луѓе кои направиле извонредни работи за Велика Британија.
На црвениот тепих имаше раскош и елеганција, а модните критичари се сложија дека една од најдоброоблечените беше глумицата Сем Фeјерс, која се одлучи за црн плишан фустан без прерамки, со необичен изрез во пределот на деколтето.
Манекенката Ферн Мекен се појави во издание поради кое сите се држеа за глава. Избрала фустан со нежнозелена боја, со раскошен тул. Меѓутоа целата збрка настанала поради оптичката илузија што ја направиле провидниот материјал и поставата со боја на кожа, па изгледало како Ферн да не носи долна облека.
Во галеријата погледнете како прошетаа другите по црвениот тепих.
[foogallery id=”114196″]
