Пејачката Александра Пријовиќ одржа рекорден број самостојни концерти низ Европа, а нејзината едногодишна турнеја „Од исток до запад“ наскоро и официјално завршува.
Таа не крие дека ова „патување“ било остварување на сите нејзини соништа, но во една прилика открила и дека била разочарана.
За време на гостувањето во емисијата на Огњен Амиџиќ пред неколку години, Александра Пријовиќ призна дека удрила девојка која била на нејзиниот настап. Како што објаснила, девојката цела ноќ ја навредувала, а на крајот ја плукнала.
„Имав разочарување – удрив девојка на настап. Таа девојка ме навредуваше цел настап, користеше погрдни зборови и слично. Не ѝ реков ништо. Тоа продолжи, а откако поминав покрај неа, таа ме плукна пред сите. Беше пијана… Кога го видов тоа… Тогаш така изреагирав, ја удрив“, рече Пријовиќ.
