Автомобилот со кој Дарко Лазиќ доживеа соообраќајна несреќа беше целосно уништен, но и таков е продаден на обожавател на пејачот, кој го купил од отпад.
„Мојот автомобил беше смачкан. Не ми паѓаше на памет да го поправам и го испратив во отпад. Но, еден ден ми се јавија дека некој сака да го откупи. Се збунив, кој би купил отпад, кога не ни може да го поправи. Ништо не ми беше јасно, а и сигурен сум дека во таа кола има лоша карма. Но, ми велат дека купувачот знае сè и дека сака да го има. ‘Ништо не ми е важно, тој автомобил беше на Дарко Лазиќ, само тоа ми е битно’, велел купувачот“, изјавил шокиран Дарко Лазиќ.
Од таа сообраќајка Лазиќ едвај извлече жива глава, беше во вештачка кома, состојбата постојано му се менуваше, беше опериран, но за среќа, сега е добро и успешно закрепнува.
