Бора Ѓорѓевиќ се огласи по информацијата дека боледува од рак на простата и дека наскоро ќе оди на лекување. Оваа вест ја пренесоа многу медиуми од целиот регион.
– Бора неодамна дозна дека е болен. Единствено решение е операција – изјавил извор кој сакал да остане анономен.
Фронтменот на групата „Рибља Чорба“ со кратко соопштение ја информираше јавноста за неговата состојба.
– „Рибља Чорба“ не откажала, а нема ни да откаже настап. Напротив, веќе на седми декември сме во Минхен, а во подготовка сме за големата турнеја. Се закажуваат датуми и за во Америка. Веста за откажувањето на концертите е злонамерна и со тенденција да ни го обезвреди нашиот навистина добар албум „Да те нема тебе“ и да внесе несигурност кај нашите фанови и да ги обезхрабри организаторите – изјавил Бора.
– Исто така злонамерно е напишано дека бараме некакви пари. Благодарам на сите кои понудија парични средства, но пари нас не ни се потребни. Сите во бендот сме осигурани.
На крај Ѓорѓевиќ истакнал дека не е тешко болен што се гледа и по успешната турнеја во 25 градови.
– Свириме и пееме подобро од било кога!
