Популарната српска пејачка Наташа Беквалац гостуваше на српска утринска емисија и ги откри плановите за новата година и за новиот албум.
Но, освен на љубовната тема за која најчесто е „испрашувана“ од новинарите, Беквалац се осврна и на воспитувањето на децата.
Имено, постарата ќерка веќе ѝ е тинејџерка и Наташа вели дека има огромно разбирање за годините на ќерка си и за статусот.
– Моето дете не е дете само на еден познат родител, туку и двајцата сме јавни личности. Тоа со себе носи одредени притисоци и не ѝ е секогаш лесно, – рече пејачката.
На прашањето на водителот дали размислува да се омажи следната година, таа е децидна.
– Едно знам, следната година сигурно нема да се омажам!
Понатаму, таа признава дека понекогаш ѝ недостасува машка енергија, но и дека во последните неколку години загубила од женственоста.
– Немам никакви очекувања. Кога немаш очекувања, не можеш да бидеш разочаран – рече.
