Пејачката Јелена Розга со години привлекува внимание со својот изглед, а неодамна откри дека и денес има обем на струкот од само 62 сантиметри. Како што вели самата, овој факт понекогаш ѝ создава проблеми при купувањето облека.
„И понатаму имам струк од 62 сантиметри. Тoa некогаш и ме нервира кога купувам панталони, бидејќи често ми се широки во струкот, па морам да ги стеснувам. Луѓето обично ми велат дека треба да бидам среќна поради тоа, а јас им одговарам дека тоа сепак е најмалиот проблем. Би сакала сите проблеми да бидат такви“, раскажа Розга.
Зборувајќи за навиките кои ѝ помагаат да ја одржи витката линија и доброто здравје, пејачката нагласи дека голема улога имаат генетиката, правилната исхрана, но и доволното количество одмор.
„Генетиката пред сè, сите мои се слаби, но и јас водам сметка за себе. Не јадам нездрава храна, не пијам алкохол и многу се одмарам. Така живеам цел живот, тоа не е ништо ново за мене. На исхраната внимавам првенствено поради здравјето“, изјави Јелена Розга.
Нејзините зборови уште еднаш покажаа дека зад добриот изглед, освен генетиката, стојат и долгогодишни животни навики до кои таа доследно се придржува.
