Катарина Лазиќ, сопругата на пејачот Дарко Лазиќ, отворено проговори за нивниот однос, за неговото минато, но и за тешкиот период низ кој поминал по смртта на братот Драган Лазиќ.
Таа во интервју за „Блиц“ откри дека го советувала сопругот да побара стручна помош, бидејќи загубата била многу тешка за целото семејство, особено за Дарко.
„Му реков дека, ако ќе му биде полесно, треба да разговара со некого. Не побара таква помош, но утеха најде во верата, во црквите и манастирите. Разговараше со свештени лица и така му беше полесно“, изјави Катарина.
Таа додаде дека, според нејзина процена, Дарко не размислувал да се откаже од музиката, иако му било тешко да пее по трагичната загуба.
„Не сакаше да се откаже од пеењето, и поради семејството и поради музиката“, рече таа.
Катарина зборуваше и за нивната љубовна приказна, откривајќи дека Дарко го запознала преку својата сестра, која работела со него. Како што вели, тој е нејзината најголема љубов.
„Можам да живеам од својата работа и да не ми е сопруг Дарко Лазиќ. Тој е мојата најголема љубов, тоа е точно“, изјави таа.
Таа призна и дека ѝ било тешко кога во минатото ја прекинале врската, пред Дарко да се ожени со Ана Севиќ.
„Се каам. Никогаш не сакав да го прекинам тој однос. Тој беше тој што инсистираше на тоа“, рече Катарина.
Во интервјуто се осврна и на односот со поранешните партнерки на Дарко, Ана Севиќ и Марина Гагиќ, откривајќи дека е поблиска со Ана. Зборуваше и за децата на пејачот од претходните врски.
„Не ги доживувам како мои деца, туку како деца на некој што ми е близок. Како, на пример, деца на мојата сестра“, изјави Катарина.
Таа нагласи и дека никогаш не го изневерила поранешниот сопруг со Дарко, како и дека детето со Лазиќ го добиле тогаш кога двајцата биле подготвени за тоа.
