Обожавателите на раперката Ники Минаж ја молат да престане да шири паника за вакцината против ковид-19, откако на „Твитер“ објави приказна за тоа дека некој во Тринидад доживеал невообичаени и прилично лоши несакани ефекти.
„Мојот братучед во Тринидад нема да ја прими вакцината затоа што негови пријател ја примил и станал импотентен. Му отекле тестисите… Неговиот пријател требаше да се ожени неколку недели после тоа, но девојката сега ја откажа свадбата. Затоа, молете се за тоа и обидете се да бидете сигурни во одлуката, а не да ве малтретираат“, напиша Минаж на својот твитер-профил..
My cousin in Trinidad won’t get the vaccine cuz his friend got it & became impotent. His testicles became swollen. His friend was weeks away from getting married, now the girl called off the wedding. So just pray on it & make sure you’re comfortable with ur decision, not bullied
— Nicki Minaj (@NICKIMINAJ) September 13, 2021
Нејзината објава привлече големо внимание, а многу новинари се прашуваа дали на Минаж ѝ следува некаква санкција од „Твитер“ или дали ќе биде цензурирана оваа објава поради „медицински дезинформации“ што платформите на социјалните медиуми ги забрануваат во согласност со одлуката на Белата куќа.
View this post on Instagram
Некои обожаватели на пејачката исто така беа вознемирени, а еден дури ја замоли да се „образува на оваа тема“, бидејќи „индивидуалните случаи не треба да се користат за да се одрече вакцината“. Обожавателот додаде: „Погледнете ги истражувањата. Вакцините се многу ефикасни. Тоа е факт. Ова не е мислење“.
Nicki, I'm begging u to PLEASE get educated on this topic. I love u to death and it saddens me that you're spreading this. Individual cases shouldn't be used to deny the vaccine. Look at the research. Vaccine are HIGHLY effective. This is a FACT. This isn't opinion.
— σηιкανσσ∂σσ (@0nikavoodooo) September 13, 2021
Други пак, шпекулираа дека пријателот на нејзиниот братучед имал рак на тестисите или наместо тоа страдал од некоја сексуално пренослива болест, и дека не можел да има таква реакција на која било вакцина за ковид-19 што ја примил.
Самата Минаж вели дека не е против вакцинација
„Сигурна сум дека и јас ќе се вакцинирам затоа што морам да одам на турнеја итн.“, рече Минаж обраќајќи се на еден нејзин обожавател.
„Многу земји нема да дозволат луѓето да работат без вакцина. Дефинитивно би препорачала да се вакцинираат. Мораат да ги хранат своите семејства“, додаде Минаж.
View this post on Instagram
На обожавателот кој коментираше дека ја примил вакцината и дека не се заразил од вирусот, раперката му одговори: „Тоа е неверојатно душо. Ова е норма“.
„Зошто не го кажа тоа веднаш?“, ја праша некој, на што Минаж одговори: „Затоа што кажувам што сакам, кога сакам, како сакам. Интернетот не ме плаши“.
