Актерката Мила Јововиќ го осуди новиот закон кој наскоро ќе се воведе во сојузната држава Џорџија и кој ќе забрани абортус по шестата недела од бременост. Со потписот на гувернерот Брајан Кемп, Џорџија станала шестата држава заедно со Охајо, Кентаки, Ајова, Северна Дакота и Мисисипи, која го воведува спорниот закон. Според новите одредби, жените би можеле да завршат во доживотен затвор ако ја прекинат бременоста после овој рок.
Мила Јововиќ се обрати на Инстаграм и им порача на жените да се борат.
„Не сакам да се занимавам со политички прашања, освен ако не е неопходно како сега. Нашите права на сигурен абортус повторно се загрозени. Некои жени пред тој период не ни знаат дека се бремени, а законот го забранува абортирањето и во случај на силување или инцест… Пред две години и јас доживеав спонтан абортус додека снимав филм во Источна Европа. Добив предвремени трудови кога бев само четири и пол месеци бремена и тогаш настанаа компликациите. Не ми дадоа никаква анестезија, морав да бидам будна во текот на целата постапка. Тоа беше едно од најстрашните искуства кои некогаш сум ги доживеала. Сè уште имам ноќни мори, бев сама и беспомошна. Кога помислувам дека жените би морале да поминуваат низ абортирањето во уште полоши услови поради новиот закон, желудникот ми се превртува“, напиша Јовович.
