Актерката Линдзи Лохан, која ја паметиме по легендарните улоги во бројни филмови како „Mean Girls“, „The Parent Trap“, „Just My Luck“, „Freaky Friday“ се враќа на малите екрани.
„Netflix“ оваа недела објави фотографија од Линдзи Лохан и Хорд Оверстрит најавувајќи го новиот божиќен филм со нив двајца во главните улоги.
„Ох, прошетка низ земјата на чудата со Линдзи Лохан и Хорд Оверстрит… Продукцијата е во тек за нивната ненасловена празнична романтична комедија. Пристигнува во 2022 година“, напишаа од стриминг платформата.
View this post on Instagram
За својата улога во филмот на „Netflix“ и за своето големо враќање се пофали и самата Линдзи Лохан.
„Се вратив на работа, не можам да бидам посреќна! Акција“, напиша Линдзи покрај фотографијата од филмот.
View this post on Instagram
Под фотографијата почнаа да се редат бројни коментари од нејзините фанови. Додека некои се пресреќни што повторно ќе ја видат на филм, други го коментираа нејзиниот изглед. Многумина пишуваат дека Линдзи на оваа фотографија не личи на себе.
„Дали го мислам тоа само јас или на оваа фотографија воопшто не личи на себе?“, „Изгледа толку поразлично, како да има премногу фотошоп на фотографијата иако таа има преубаво лице“, „Изгледа како друга личност“, „Не ја препознав додека не го видов името“, „Кој е ова по ѓаволите?“, беа само дел од коментарите.
