Бизнисменот Драгослав Илиќ Гаги, кој се занимава со дистрибуција и продажба на нафта во Венецуела, допатувал од Мадрид за да го прослави роденденот во Србија.
Анастасија Ражнатовиќ, Марина Висковиќ и пријателите од Шпанија се веселеле во еден белградски ресторан во кругот на најблиските пријатели.
На снимката на која Анастасија го пее хитот на мајка ѝ „Кукавица“, се гледа како една гостинка на музиката ѝ лепи банкнота од 500 евра, а на хармониката има бројни банкноти од 50 евра.
Гаги е познат по тоа што ја сака татковината, па барал да се служат исклучиво домашни специјалитети.
Тој во 2006 година организирал раскошна свадба во еден од најпознатите хотели во Буенос Аирес, на која пееле Цеца Ражнатовиќ, Мира Шкориќ и Аца Лукас.
