Најследениот фудбалер и инфлуенсер на Инстаграм, со 464 милиони следбеници, пристигнува во Милано, Италија, за да ја отвори првата клиника за трансплантација на коса.
Групацијата Insparya основана од португалскиот менаџер Пауло Рамос и фудбалерот Кристијано Роналдо, посветена исклучиво на дијагноза, третман и истражување на алопеција и европски лидер во трансплантација на коса, го најавува претстојното отворање, во септември 2022 година, на клиника за трансплатација, во Милано.
Новото отварање во Милано е дел од поширок проект за проширување на бизнисот, а други нови клиники во различни други земји се очекуваат во следните три години. За инвестиции се предвидени околу 20 милиони евра. Додека клиниката во Италија ќе кошта над 2 милиони.
Новоизградената клиника е вистински скапоцен камен на дизајнот и модерната технологија, а ќе биде на површина од над 1.300 метри квадратни.
Тимот што ќе оперира на клиниката вклучува 100 професионалци, а на располагање се ставени 14 операциони сали.
