Еден од најпознатите великани на модниот свет го кроеше стилот на жените во повоениот период, што воопшто не било лесна задача. Диор успеа во женската силуета да внесе детали кои ја нагласуваа префинетоста на кројот каков што малкумина можеле да си дозволат, а дизајнерот многу добро го знаел тоа.
Ова се деталите кои големиот Диор ги сметал за клучни за добар изглед на жената.
Чиста коса
Како и Коко Шанел и Диор сметал дека најлошо што жената може да го направи е да излезе од дома со валкана коса. Дизајнерот верувал дека за една жена не може да се каже дека е негувана ако си дозволи себеси да се појави во јавност со валкана коса. Чистата коса е еден од најсилните адути на дамите.
Женственост
„Ако жената не е женствена, тогаш не може да се смета за дама. Ако таа ја негира својата женственост и не ја нагласува, тогаш таа и не е жена“, сметал Диор.
Соодветна облека
Диор сметал дека правилната нега на телото подразбира и избор на облека која одговара на нашето тело и на карактерот.
„Негуваната жена е онаа која носи облека која одговара на нејзината фигура и која умерено ја нагласува“, изјавил Диор.
Чевли
„Вистинскиот доказ за елеганцијата на една дама се наоѓа на нејзините нозе“, изјавил во една прилика Диор.
Тој сметал дека женските чевли се неопходен атрибут на женственоста. Според него, негуваните жени не можат да излезат од дома со чевли кои не се женствени. Диор не поднесувал патики на женските нозе.
