41-годишната пејачка официјално ја потврди врската после доделувањето на Златните глобуси.
Прекрасната пејачка која се прослави со женскиот бенд Pussycat Dolls, Никол Шерзингер, најде нова љубов и е посреќна од било кога. Всушност, кон крајот на минатата година започнаа да ја поврзуваат со 7 години помладиот Том Еванс, а врската беше потврдена кога беа видени како разменуваат страсни бакнежи во Лондон. Пред тоа Еванс е виден на настап на Pussycat Dolls.
41-годишната пејачка официјално ја потврди врската после доделувањето на Златните глобуси, каде што се појави со Том. Последното појавување на Никол предизвика големо внимание, бидејќи таа ги истакна своите облини во многу провокативно издание. Всушност, Никол се појавила на FOX Winter TCA 2020 All Star забава во краток топ и широки панталони во иста боја, а целиот стајлинг го заокружила со пуштена таласита коса и златни обетки.
Таа ноќ не завршила тука, бидејќи Никол малку подоцна преку рамото ставила капут, ја земала својата плик-чантичка и држејќи го за рака Том, отишла на вечера.
Потсетуваме дека Никол немаше многу среќа во љубовта. Таа беше во врска со Луис Хамилтон, која траеше 7 години, а наводно раскинале, бидејќи возачот на Формула 1 не сакал да се ожени со пејачката. Потоа, таа беше во врска со тенисерот Григор Димитров, а повеќе годишната врска ја прекина поради непознати причини. Останува да се види дали е Том вистинскиот за неа и искрено се надеваме дека е така!
