На Бадниковата вечера Ким Кардашијан (39) и нејзиниот сопруг Кание Вест (42) споделиле неколку инстаграм-сторис на кои се пофалиле што оваа година за Божиќ и купиле на ќерката Норт (6).
Всушност, иако нивната ќерка не тргнала во училиште, веќе може да се пофали со уникатниот подарок вреден 150,000 евра. Таа од своите родители за боклон ја добила легендарната јакна на кралот на поп-музиката Мајкл Џексон, која Џексон ја носел во една прилика додека се дружел со Елизабет Тејлор.
Ким објаснила како таа и сопругот ја добиле јакната на аукција, а и дека нивната ќерка Норт која е огромен фан на Мајкл Џексон, била многу благодарна и возбудена поради поклонот. Јакната е уште попосебна поради тоа што во неа се наоѓа фотографија од кралот на поп-музиката.
„Знаеме дека овој подарок ќе ѝ се допадне“, вели Ким во видеозаписот. Откако се пофали пред своите 154 милиони пријатели со подарокот на нејзината ќерка, Ким заминала кај својата сестра Кортни (40) за Божиќната забава.
Кардашијан својата вила ја уредила така што купила неколку стотици божиќни ѕвезди и ги поставила на скалите кај влезот. Иако нејзините гости биле воодушевени уште при самиот влез во вилата, дури внатре ги очекувало вистинското изненадување. Прво на влезот биле пејачи кои пееле Божиќни песни и биле опкрушени со десетици Божиќни дрвца. Но, Кортни се потрудила многу и при уредувањето на надворешниот дел од куќата.
Надвор не светеле само боровите, туку и обичните дрвца, а се изгледало како од бајка, тврдела Ким која го снимала уредувањето на забавата. Кортни изнајмила и пејачка кој ги забавувала нејзините гости, а за да биде уште по заприметена, таа ѝ направила сцена со големина на театарска бина.
Иако според објавите на друштвените мрежи, сите членови на семејството добро се забавувале, нивните фанови велат дека сепак претерале.
„Смислата на Божиќ не е да се потрошат милиони на забава, ова е навистина премногу“, бил еден од коментарите под фотографиите на Кардашијан.
