Пејачот Драган Којиќ Кеба проговори за односот меѓу неговиот син Игор и неговата снаа Северина, за кои со месеци се шпекулираше дека не се во добри односи и дека се пред развод.
Северина со месеци не е видена во јавноста во друштво на нејзиниот сопруг Игор Којиќ. Нивниот бракот е наводно во криза, но пејачката сега единствено е фокусирана на борбата за старателство над нејзиниот син, а пред јавноста не зборува за односот со нејзиниот сопруг. Кеба кратко рече дека не знае што се случува во бракот на Северина и Игор.
„Новогодишните празници ќе ги поминам дома, но се сомневам дека со целото мое семејство ќе бидеме заедно. Кога ме прашувате за Северина и Игор, немам претстава што се случува во нивниот брак, не разговарам со нив! Ниту, пак, треба да се мешам во тие работи. Не се слушам често со мојот син затоа што има многу обврски, па затоа и често не е дома. Не знам што се случи со Северина, не разговаравме за тоа. Долго време е во Хрватска, не знам дали планира да си дојде наскоро, тоа е нејзина работа“, одговори свекорот на Северина.
На прашањето дали двојката ќе го помине Божиќ заедно и дали ќе бидат со своето семејство во Белград, Кеба одговори:
„Мојот син и снаа имаат сопствен живот. Морате нив да ги прашате дали ќе бидат во Белград за празниците. Не можам да одговорам за нив, бидејќи не сум добро упатен. Не знам ни јас”.
Северина до оваа пролет беше во идеална врска со родителите на Игор и помина голем дел од месец март во нивната куќа во Белград кога се случи првиот карантин поради пандемијата на коронавирусот. Откако Северина се врати од Белград во Загреб, медиумите во Србија објавија дека таа, наводно, имала силна расправија со родителите на Игор, а расправијата, наводно, била предизвикана од нејзиниот предлог до фамилијата Којиќ да ја реновираат куќата.
