Животниот пат на српската пејачка Елма Синановиќ го следеа различни подеми и падови.
Како гостинка во емисијата „Амиџи шоу“, таа неодамна јавно призна дека некогаш била жртва на демнач кој дури ѝ се заканувал.
Пејачката тогаш сè уште не била популарна, а како што раскажала самата – на нејзината домашна адреса ѝ пристигнале заканувачки писма од анонимен испраќач.
„Кога бев втора година средно, добив заканувачки писма од некој што не го познавав. Тогаш имав долга, убава коса, па во писмата ми пишуваше: „Ќе ти ја скратиме косата, ваква си, таква си“. но, не реагирав, не се плашев“, се присети пејачката.
Да потсетиме, Елма Синановиќ имаше бројни турбулентни животни фази, приватно и професионално, а јавно проговори дека неколку пати била „на дното на животот“ и дека имало моменти кога мислела дека е крајот.
